Боловсролын газар
“АВАРГА ТОГООЧ-НАРИЙН БООВЧИН” УРАЛДААН
2017-11-20 |

 

“АВАРГА ТОГООЧ-НАРИЙН БООВЧИН” УРАЛДААН

Орхон аймагт хоол үйлдвэрлэл, үйлчилгээ эрхэлж байгаа аж ахуйн нэгж байгууллагууд, тогооч нарын дунд  аймгийн бренд бүтээгдэхүүн гаргах, орчин үеийн хоол үйлдвэрлэлийн болон үйлчилгээний арга технологиос харилцан суралцах, хоол үйлдвэрлэл үйлчилгээний салбарын мэргэжлийн боловсон хүчний мэдлэг, ур чадварыг дээшлүүлэх  зорилгоор хоол, үйлдвэрлэл үйлчилгээ эрхэлж байгаа буюу ресторан, баар, кафе, цайны газар, эмнэлэг, цэцэрлэг, үйлдвэрийн дэргэдэх гуанзанд ажилладаг тогооч нарын дунд аймгийн “Аварга тогооч-нарийн боовчин” шалгаруулах уралдааныг Ийст ресторанд 2017 оны 11 сарын 18-ны өдөр 5 төрлөөр зохион байгууллаа. Шүүгчээр Монгол  зөвлөх инженер, Монголын тогооч нарын холбооны удирдах зөвлөлийн гишүүн Ш.Сэлэнгэ, Монгол улсын мастер тогооч н.Пагмадулам, мастер тогооч н.Доржбаатар , мастер тогооч н.Сарантуяа, Хоол үйлдвэрлэлийн их сургуулийн магистр багш н.Цэцэгбаяр  нар ажиллав.

Цэцэрлэгийн хүүхдийн хоолны төрөлд төрийн өмчийн 19 цэцэрлэгийн тогооч  оролцож, хүүхдэд зориулсан зууш, I, II хоол хийж өрсөлдлөө. Энэхүү төрөлд X цэцэрлэгийн тогооч Н.Энхтүвшин I байр Алтан медаль Гранпри шагнал,  IX цэцэрлэгийн тогооч Б.Оюунханд II байр Мөнгөн медаль, VI цэцэрлэгийн тогооч С.Уранчимэг  III  байр Хүрэл медаль, Тусгай байрт Унага, XVI, XVII цэцэрлэгийн тогооч нар тус тус байр эзэлсэн байна. Энэ удаагийн уралдаанд өөрийн авъяас чадвар, арга туршлагаа тасралтгүй хөгжүүлэн ажиллаж байгаа манай ахмад тогооч нар болох XX цэцэрлэгийн тогооч Ц.Гандолгор, Унага цэцэрлэгийн тогооч  З.Энхбаяр нарыг шүүгчдийн бүрэлдэхүүний шийдвэрээр “Тусгай байр”-ын шагналыг нэмж гардуулсан байна.

Тогооч нарын мэргэжлийн ур чадварыг ахиулах, бие биенээсээ суралцах боломжийг олгох, тогооч мэргэжлийн нэр хүндийг өсгөх, хүүхдүүдэд нарийн технологи бүхий аргаар хоол хүнс хийхэд сургах зорилгоор аймгийн ЗДТГ, БСУГ, ХХААГ, СХЗХ, ХЭАХН, Орхон аймгийн тогооч нарын салбар зөвлөл хамтран олон ажлуудыг санаачлан хийж байгаагийн нэг нь энэхүү уралдаан юм. Уралдаан маш сайн зохион байгуулалттай, оролцогчдын дунд өрсөлдөөн ихтэй болж өндөрлөлөө.

МЭРГЭЖИЛТЭНЛ.ТАЙВАНТУУЛ

 

Сэтгэгдэл

Таны нэр:
Сэтгэгдэл:
Баталгаажуулах код:
Энд сэтгэгдэл байхгүй!

Бидний тухай

Фото мэдээлэл

Сүүлд нэмэгдсэн

ОРОС ХЭЛНИЙ БҮСИЙН ОЛИМПИАД
Монгол-Оросын найрамдал, хамтын ажиллагааны өдрүүд, Халх голын байлдааны ялалтын 80 жилийн ойн хүрээнд 2019 оны 11 сарын 15-17-ны өдрүүдэд манай аймагт ...
Дэлгэрэнгүй»
“Мэргэжлийн аварга” багш нар гадаадад туршлага судлав
Орхон аймгийн ЗДТГ, НБХ-ээс санаачлан 2017 оноос эхлэн "Багш" дэд хөтөлбөрийн хүрээнд "Мэргэжлийн аварга" багш нарыг БНХАУ-ын ӨМӨЗО-ы ...
Дэлгэрэнгүй»
Цаг үеийн мэдээ
7 хоногийн мэдээ. 11. 04 – 08
Дэлгэрэнгүй»
"Зөвлөх" зэрэгтэй сургалтын менежерүүдийн “ СУРГАЛТЫН МЕНЕЖЕРИЙН АЖИЛ, ТҮҮНИЙ ОНЦЛОГ”
Аймгийн ерөнхий боловсролын сургуулиудад ажиллаж буй "Зөвлөх" зэрэгтэй сургалтын менежерүүдийн “ СУРГАЛТЫН МЕНЕЖЕРИЙН АЖИЛ, ТҮҮНИЙ ОНЦЛОГ” ...
Дэлгэрэнгүй»
"ROBOT CHALLENGE ERDENET"
“Монголын робот сонирхогчдын холбоо”-ноос санаачлан зохион байгуулж буй ROBOT CHALLENGE ERDENET тэмцээн амжилттай явагдаж дүнгээ гаргалаа.
Дэлгэрэнгүй»
Илүү>>